google-site-verification=J79LKHJflJnTbgueFR9a2kLzUPYCG5JgmVbZXyRfErE
  • WhiskyBros

威士忌分享 - 橡木桶的魔法(下)

威士忌分享 - 橡木桶的魔法(下)


上一次就同大家分享左唔同橡木所賦予威士忌唔同嘅風味 (上集),事實上橡木桶唔單單只係影響着威士忌嘅風味,亦都影響着威士忌嘅熟成速度,今次就繼續同大家一齊探討下橡木桶嘅魔法!



橡木桶使用次數唔止一次!


上集有提到用作熟成美國波本威士忌嘅橡木桶只會使用一次,因此有大量橡木桶輸出到蘇格蘭,有別於美國波本威士忌,蘇格蘭威士忌酒廠普遍認為全新嘅橡木桶對威士忌風味嘅影響太大,影響原酒本身味道,因為橡木桶每使用一次,當中所以影響威士忌風味嘅物質就會逐漸減少,因此使用木桶嘅次數越多,對威士忌風味嘅影響力也相對地越低。明明較高年份嘅威士忌可以售得更高嘅價錢,點解酒廠唔將同威士忌擺多一年兩年等佢嘅價值再提升多啲呢?考慮到以免威士忌吸收過多木桶氣味,蒸餾廠往往會在佢哋認為最適合嘅陳年時間將會威士忌裝瓶或是用作調合。

熟成係first fill橡木桶中的威士忌就比較好,而熟成係re-fill 的就比較差?


呢個理論係絕對係錯嘅!初次裝填 (First fill) 所使用嘅橡木桶,理論上對威士忌風味嘅影響會比較重,酒色亦會比較深,而 Second fill 嘅威士忌橡木桶因為已經用過一次,木桶相對地冇咁 Active,因此比起 First fill 適合更長嘅陳年嘅時間去取得一個相對平衡嘅風味。去到三次四次裝填嘅威士忌橡木桶,雖然仍會有酒廠繼續使用,但木桶嘅活性已經見底,會影響威士忌嘅陳年效果,有唔少酒廠就會選擇再次燒桶 (Re-charred) 等木桶能夠再次有足夠嘅活性陳年威士忌,因而繼續使用。但 WhiskyBros 認為絕對冇話幾次裝填嘅威士忌橡木桶會比較優質,而係橡木桶能唔能夠同威士忌原酒取得一個完美嘅平衡,完美地配合威士忌原酒、令威士忌錦上添花,同時可以表達到每間酒廠唔同嘅特色,咁先係最為重要!


木桶嘅Size亦都影響着熟成嘅速度!

Gorda (700 Litres)

多數以美國白橡木製成,不同木桶調和之後的威士忌有機會需要一個更大的木桶,以作繼續陳年等酒質穩定再裝瓶,亦都有酒廠會直接去陳年威士忌。


Sherry Butt (500 Litres)

顧名思義,應用在西班牙雪莉酒的陳年,亦都係威士忌產業最經常會用到嘅雪莉桶型,擁有較高較窄的桶身。


Puncheon (500 Litres)

與 butt 嘅容量一樣,但係身形就比較寬闊,雖然容量與 butt 一樣而且亦都有陳年過西班牙雪莉酒,但因為桶身形狀問題,木桶與威士忌接觸的面積會比 butt 少。


Hogshead (250 Litres)

威士忌最常見嘅桶型,是從 Bourbon Barrel 木桶重組而成的,令到桶嘅尺寸變得更大,酒嘅接觸面積更加少,因此可以有更長時間嘅陳年。亦有 Hogshead 會短暫以雪莉酒過桶陳年,成為 Sherry Hogshead。


Bourbon Barrel (200 Litres)

即是用作熟成過美國波本威士忌的木桶。


Quarter Cask (50Litres)

容量是美國波本橡木桶嘅¼,因為容量較小與酒液接觸面積較大,因此有較快的熟成速度。

除咗 Angel share 之外,木桶嘅大細亦都會影響熟成嘅速度,酒桶越大與威士忌接觸嘅面積越小,熟成就需要更多嘅時間。WhiskyBros 眼中並沒有一種特定嘅桶型話係最適合用作陳年威士忌嘅木桶,而酒廠點樣運用呢一啲木桶去施展佢哋嘅魔法,使威士忌取得一個平衡感,先係木桶最有趣嘅地方呢!


WhiskyBros會定期分享威士忌資訊與心得,希望令更多香港年輕人接觸並愛上威士忌🥃

更多威士忌文章,盡在WhiskyBros網站

Facebook: www.facebook.com/WhiskyBrosHK

Instagram: www.instagram.com/whiskybros.hk


圖: Jerry Law 撰文: Gamma Ng



© 2020 by WhiskyBros