google-site-verification=J79LKHJflJnTbgueFR9a2kLzUPYCG5JgmVbZXyRfErE
  • WhiskyBros

【#威士忌分享 : Glenfarclas 105 x 盆菜】




年三十晚,WhiskyBros 就訂左盆菜作為今晚嘅主角,身為威士忌愛好者,當然亦都會用一杯威士忌去配搭今晚嘅盆菜啦!今晚我哋就揀咗 #Glenfarclas105 呢一支人見人愛😍嘅威士忌🥃 ————————————————————— #酒款分享  Glenfarclas 105係一款Cask strength 威士忌,酒標上邊嘅105其實是指過去酒精濃度單位(Alcoholic proof),換言之,呢支酒其實係有105 proof ,換轉返普遍所用嘅ABV酒精濃度,其實佢喺高達60%嘅酒精濃度架!  呢一支酒喺WhiskyBros啱啱飲威士忌嘅時候就有好多前輩推薦我哋飲,但啱啱開瓶嘅時候又覺得唔係一啲咁特別嘅酒,結果聽前輩良言,開完之後放多佢兩三個月至半年時間再飲,結果佢香氣大爆發,一聞難忘🤩 ———————————————————— #品飲筆記  記得係啱啱開封支酒,香氣表現只有簡單嘅烏梅味,其他表現並唔係特別出色,放咗三個月有多之後,慢慢有提子乾、朱奶、蜜糖、焦糖、麥芽香、小小苦澀、雲呢拿、小小煙燻過嘅果乾、烘焙咖啡香味,層次明顯變得豐富更多。  入口方面,開封嘅時候係非常之辣口😛,三個月之後再嘗,變得柔和更多,但都仲喺感受到明顯嘅酒精濃度。  味道方面,就喺入口有麥芽香、慢慢有朱古力牛奶、菠蘿、蜜棗乾、最後喺由朱奶嘅甜轉成朱古力苦香。尾韻經過三個月之後明顯更長,主要係朱古力🍫嘅苦澀香下揮之不去。 ———————————————————— 而今晚年三十,WhiskyBros在此恭祝大家來年順順利利、健健康康、心想事成、恭喜發財!  #PleaseDrinkResponsibly #WhiskyBros #Whisky #Glenfarclas105  #威士忌 #CaskStrength #ChineseNewYear ------------------------------------------------------------------------- WhiskyBros - Share Whisky🥃Share Happiness😆 Instagram: http://bit.ly/2tMmFIA



© 2020 by WhiskyBros