google-site-verification=J79LKHJflJnTbgueFR9a2kLzUPYCG5JgmVbZXyRfErE
  • WhiskyBros

【#山崎威士忌之旅 - ep3】



去到山崎有咩威士忌飮?

WhiskyBros 今次去到山崎,總共飲咗8杯威士忌 (15ml),除咗1000日元見習路線嘅四杯威士忌之外,當然唔少得參觀完酒廠自費享用嘅威士忌啦,其中就包括 #響30#響21#山崎25#山崎18😆 !  先講講見習路線當中本身包括嘅四杯威士忌,當然唔少得大家平時最常見嘅山崎基本款,一杯比大家品飲,另一杯就比大家試吓自己親手做Whisky Highball,另外兩杯威士忌用作調合山崎基本款嘅原酒(分別係White Oak Cask同Wine Cask),呢兩杯原酒出面係飲唔到㗎!  喺呢四杯酒當中,WhiskyBros最中意Wine Cask 原酒! 杯酒就好似一個豐富多汁嘅水果一樣🤪,擁有非常香嘅士多啤梨、車厘子同埋水蜜桃嘅香味,相信係山崎基本款主要嘅果香來源!

報名攻略: 參觀最早嘅見學路線

好多朋友同我哋講過,次次去到都飲唔到響30同埋山崎25,我哋點解可以飲到?  攻略就係一定要參觀第一批最早嘅見學路線,或者預訂最早九點開始嘅免費參觀山崎威士忌博物館。  兩者參觀完都可以落去地下飲自己想飲嘅威士忌,而響30同山崎25都只係售價 #2900日元 (大約HKD205)就有一杯,雖然每人限買一杯威士忌,但佢咁抵嘅價錢,當然佢會早早就賣晒啦,上一次WhiskyBros就留意到大概11:30,響30已經所剩無幾,所以如果想飲到佢哋就記得早啲去到啦🤤  至於下一集就會同大家分享下響30 & 山崎25嘅品飲心得,有興趣嘅朋友記得緊貼我哋 #山崎威士忌之旅 系列喇😏  #PleaseDrinkResponsibly #WhiskyBros #Whisky #JapanWhisky  #威士忌 #日本威士忌 #Yamazaki #山崎 ------------------------------------------------------------------------- WhiskyBros - 分享威士忌🥃 分享快樂😆 Instagram: http://bit.ly/2tMmFIA


© 2020 by WhiskyBros